Синоптиктер алдағы демалыс күндері ауа райы қандай болатынын айтты
Синоптиктер алдағы демалыс және мереке күндеріне ауа райы болжамын жасады, - деп хабарлайды Tengrinews.kz тілшісі "Қазгидромет" РМК орталығына сілтеме жасап.6-8 шілде аралығында республиканың солтүстік облыстарына Ресейдің еуропалық бөлігінің солтүстік аудандары мен Батыс Сібір арқылы өтетін циклондарға байланысты атмосфералық фронттар ықпал етеді. Күн күркіреп, найзағай ойнап, бұршақ жаууы мүмкін. "Тропосфералық ағындардың меридионалдыдан ендікке ауысуымен қайта құрылу болып, Қазақстанға Атлантикадан ауа массалары түсуін бастады. Оңтүстік облыстарына қазір Азорлық антициклон болып жатқан Атлантиканың орталық аймақтарынан ауа массалары жылжып жатыр. Ал антициклонмен жаз уақыттарында ыстық және құрғақ ауа райы байланысты болады. Сондықтан Қазақстанның оңтүстік жартысында көпжылдық ауа температурасы көпжылдық мәннен 1…3°С жоғары болуы күтіледі, ал өткінші жаңбырдың таулы аймақтарда басымырақ болуы мүмкін", - делінген хабарламада.
