Тележүргізуші 5 миллион теңге талап еткен
Танымал журналист және әзілкешпен соттасып жатқан Ләйлә Сұлтанқызы олардан қанша өтемақы талап еткені белгілі болды. Бұл туралы «Ревю» жаңалықтарында айтылды.Ол әзілкеш Нұрболхан Шарапов пен журналист Бибігүл Дәулетбекті ар-ожданыма нұқсан келтірді, әлеуметтік желі арқылы абыройымды түсірді деп сотқа талап-арыз берген болатын. Тележүргізушінің қорғаушысы оқиғаның мән-жайын былай деп түсіндірді.
– Жеке тұлғалар әлеуметтік желідегі аудиториясын ұлғайту мақсатында пияр жасап, Сеңгірбекова Ләйлә Сұлтанқызының абыройы мен ар-ожданына нұқсан келтіретін пікірін әлеуметтік желі арқылы таратқан", - дейді қорғаушы.
Тележүргізушінің әзілкеш пен журналистің әрқайсысынан 5 миллион теңге талап еткен көрінеді. Алайда өзге қорғаушылар мұның қисынға келмейтінін айтады. Ал, өндірілген қаржы қайырымдылыққа жұмсалмақ.
