БАЯННЫҢ ТАҒДЫРЫН БАСҚАНЫҢ БАСЫНА БЕРМЕСІН: ЛӘЙЛӘ СҰЛТАНҚЫЗЫ БЕЛГІЛІ ПРОДЮСЕР ТУРАЛЫ ПІКІР БІЛДІРДІ
Белгілі тележүргізуші Ләйлә Сұлтанқызы танымал продюсер Баян Алагөзованың тағдырына аянышпен қарайды екен. Бұл туралы ол Dalanews.kz порталына берген сұхбатында айтты.⠀
«Адамның сыртынан сөйлеуге болмайды ғой. Іс-әрекетінің дұрыс-бұрыстығын оның өзіне ғана айтқан жөн шығар. Баянды әйел ретінде сыйлаймын. Баянның басынан өткенді ешкімнің басына салмасын», - дейді тележүргізуші.
⠀
Оның айтуынша, Баян Алагөзованы жұртқа жағымсыз етіп көрсеткен қазақтілді басылымдары екен. Сондай-ақ, продюсердің ойын құптамауды қазақ аудиториясы қолдан жасаған дегенге әкелді.
⠀
«Баян дұрыс дүние айтуы мүмкін, бірақ біз бұрыс қылып көрсетеміз. Баянды жұртқа жеккөрінішті еткен көп жағдайда қазақтілді басылымдар. Баян табиғатында тікмінез. Сәлеміміз түзу. Көп көріскен де емеспіз», - деген Ләйлә Сұлтанқызы Баянды тек қолдайтынын айтты.
