ҚЫЗЫЛОРДАДА ВЕЛОСПОРТТАН РЕСПУБЛИКАЛЫҚ ТУРНИР ӨТЕДІ
Үстіміздегі жылдың 30 қыркүйек-1 қазан күндері ҚР халықаралық дәрежедегі спорт шебері Андрей Кашечкин жүлдесі үшін велоспорттан 2003 жылы дүниеге келген және одан кіші жастағы жасөспірімдер арасында республикалық турнир өтеді.
Бағдарламаға сәйкес жарыстың алғашқы күнінде ұлдар 35 шақырымдық, қыздар 20 шақырымдық топтық жарыста сынға түседі. Ал екінші күні ұлдар 20 шақырымдық, қыздар 12 шақырымдық критериум жарысында бақтарын сынайды. Сондай-ақ сол күні сағат 10.00-де А.Тоқмағанбетов, Байтұрсынов және Желтоқсан көшелері бойынша әуесқойлар арасында критериум жарысы өтеді.
Жарысты облыстық дене шынықтыру және спорт басқармасы мен облыстық велосипед спорты федерациясы ұйымдастыруда. Әр кезең бойынша жарыс жеңімпаздары мен жүлдегерлер диплом және бағалы сыйлықтармен марапатталады.
