ФУТБОЛ ЖАНКҮЙЕРЛЕРІ АЛҒЫС ХАТПЕН МАРАПАТТАЛДЫ
Бүгін облыстық дене шынықтыру және спорт басқармасының басшысы Олжас Әкімов жергілікті жанкүйерлерді қабылдады.Сыр елінің мақтанышы – "Қайсар" футбол клубы биыл Қазақстан чемпионатының Премьер-лигасында жақсы нәтиже көрсетті. Олардың сәтті ойын көрсетуіне жанкүйерлер зор үлес қосты. Басқарма басшысы осы мақсатта қосқан үлесі үшін жастар фан клубының жанкүйерлерін алғыс хатпен марапаттап, ойыншылардың қолы қойылған допты тарту етті .
Кездесу барысында команда жанкүйерлері «Қайсар» командасымен бірге екендігін, әрдайым қолдау көрсететіндігін жеткізді. Өз кезегінде басқарма басшысы келесі жылы жанкүйерлермен бірге атқарылатын жұмыстарды айтып өтті.
