ОҚУШЫЛАРҒА ЖОЛ ҚОЗҒАЛЫСЫ ЕРЕЖЕЛЕРІ ТҮСІНДІРІЛДІ
Қызылорда облысы «№6 есту қабілеті бұзылған балалардың арнайы (түзету) мектеп-интернаты» коммуналдық мемлекеттік мекемесінде мектепке дейінгі даярлық және 1-ші сынып оқушыларымен «Бала бақыты бәрінен қымбат» атты іс-шарасы өткізілді.
Бұл шараны облыс көлемінде өтіп жатқан «Тең мүмкіндіктер жолы» республикалық акциясы аясында жергілікті полиция қызметінің қызметкерлері ұйымдастырды.
Оқушыларға жол қозғалысы ережелері бойынша түсіндірме жұмыстары «Тәтті жол белгілерінің» көмегімен жүргізіліп, орталықтық қызметкерлерімен қызықты ойындар ойнатылып, «Жолдос көмекке асығады» атты анимацалық мультфильмі көрсетіліп, түрлі-түсті көрнекі үгіт-насихат және оқу құралдары таратылды.
Жол ережелері «Үздік суретші» байқауының қорытындысы бойынша жеңімпаздар марапатталды. Іс-шараға атсалысқан мүмкіндігі шектеулі жандар мен ұстаздары алғыс хаттармен, сыйлықтармен марапатталды. Жол үстінде өздерінің тең мүмкіндіктері бар екендігі жөнінде түсіндірме жұмыстары жүргізілді.
