ШЫҒАРМАШЫЛ ЖАСТАР БЕЛГІЛІ ӘЗІЛКЕШТЕРМЕН КЕЗДЕСТІ
Қызылорда облысының жастар саясаты мәселелері басқармасының «Жастар ресурстық орталығы» КММ-нің ұйымдастыруымен республикалық жайдарман сайыстарының жүлдегерлері, көңілді тапқырлар алаңы жобасының 3-орын иегерлері «Қорқыт құрамасы» командасының шығармашыл жастармен кездесуі өтті.Кездесудің мақсаты – өнерлі команданың жеткен жетістіктерімен танысу, облыс жастарының шығармашылық бағытқа деген ынталарын арттыру.
Кездесу барысында қорқыт құрамасы командасы алдағы жоспарларымен бөлісіп, шығармашыл жастармен бірге волейбол, үстел теннисі және т.б спорттық ойындар ойнады.
Кездесу соңында жастардың ұсыныс – пікірлері тыңдалып, сауалдарына жауаптар берілді, белсенді қатысқан жастарға сыйлықтар табысталды.
