КӘСІПКЕРЛЕР АЛДЫНДАҒЫ ЕСЕПТІ КЕЗДЕСУ ӨТТІ
Мәдениет және өнерді дамыту орталығында Қызылорда облысының Жалағаш ауданындағы филиалы директорының кәсіпкерлер алдындағы есепті кездесуі өтті.Кездесуге аудан әкімі Т.Дүйсебаев, аудандық кәсіпкерлер кеңесінің мүшелері, кәсіпкерлік саласына қатысты жауапты бөлім басшылары, кәсіпкерлер және бұқаралық ақпарат құралдары өкілдері қатысты. Қызылорда облысы кәсіпкерлер палатасының директоры Ғ.Жақсылықов модераторлық жасап, күн тәртібіндегі мәселелерге тоқталды. Аудан әкімі Т.Дүйсебаев кіріспе сөз сөйлеп, аудандағы кәсіпкерлік саласының даму деңгейіне тоқталды. Кездесуде Қызылорда облысының кәсіпкерлер палатасының Жалағаш ауданындағы филиалының директоры С.Карипов аудандағы кәсіпкерлер палатасы филиалының есепті жылда атқарылған жұмыстары туралы хабарлама жасап, аудан кәсіпкерлерінің жетістіктеріне тоқталып өтті. Сонымен бірге, кездесуде аудан прокурорының міндетін атқарушысы Б.Әбілдаұлы сөз алып, кәсіпкерлер палатасынан арнайы ашылған «прокурор кабинеттеріндегі» прокурорлардың қабылдауындағы кәсіпкерлердің құқықтары туралы айтты.
Келесі сөз кезегін Қызылорда облысы кәсіпкерлер палатасының Жалағаш ауданындағы филиалы жанындағы кәсіпкерлер кеңесінің төрағасы А.Тауыпбаев алып, «Жалағаш аудандық кәсіпкерлер кеңесінің қызметі мен мақсаты мәселесі» бойынша хабарлама жасады.
