«АЛПАМЫС» БАЛАБАҚШАСЫНДА САЙЫС ӨТКІЗІЛДІ
Қалалық білім бөлімінің ұйымдастыруымен «Алпамыс» балабақшасында «Тіл болашағы - балабақшадан» тақырыбында сайыс өткізілді.Бұл шара балалардың комуникативті тіл құзыреттілігін арттыру, тілге деген құрмет көрсету мен бірге балалардың бойында туған жерге, елге, ана тілге деген патритоттық сезім қалыптастыру, үш тілділік саясатының насихатталу белсенділігін арттыру мақсатында қолға алынды.
Сайысқа «Әмбебап балдырған», «Жас ізденімпаз», «Білімділер бекеті», «Ғажайыптар әлемі» топтарының тілмаш бүлдіршіндері қатысты.
Қазақ, орыс, ағылшын тілдерінде өлең шумақтарын көрермендер қауымына тебірене жеткізген талапкерлер бірінен – бірі асып түсті. Ана тілін жырға қосып, патриоттық сезімдерін шыңдай түссе, орыс, ағылшын тілінде Қазақстан мекенін, салт–дәстүрін асқан шеберлікпен орындап, өз өнерлерін көрсете білді. Сайыс соңында балабақша меңгерушісі топтарды алғыс хаттармен марапаттады.
