“ҚАЗАҚ ЕЛІ” ТЕЛЕСЕРИАЛЫНЫҢ СЦЕНАРИЙ АВТОРЫ ШИЕЛІ ХАЛҚЫМЕН ЖҮЗДЕСТІ
Ауданымызға белгілі жазушы, кинодраматург, Қазақстанның еңбек сіңірген қайраткері Смағұл Елубай ағамыз келіп, аудан тұрғындарымен кездесті. Кездесу барысында аудан әкімі Қайратбек Әубәкірұлы ауданымыздан шыққан азаматтарымызды таныстырды. Кездесуге аудандық мәслихат хатшысы, мәдениет саласының қызметкерлері, БАҚ өкілдері мен жастар қатысып, өз ойларын ортаға салып Смағұл ағамызға сұрақтарын қойды. Сонымен қатар, Н.Бекежанов атындағы музей жұмысымен танысты. Социалистік Еңбек Ері Шырынкүл Қазанбаева анамызды халықаралық қарттар күнімен құттықтап, батасын алды. Бұдан кейін екі мәрте Социалистік Еңбек Ері Ыбырай Жақаевтың зиратына құран бағыштап, Ы.Жақаев атындағы күріш өсіру музейінің жұмысымен танысты.
