ТЖД МАМАНДАРЫ ИНТЕРАКТИВТІ САБАҚ ӨТКІЗДІ
Қызылорда облысы Төтенше жағдайлар департаменті қызметінің негізгі бағыты жалпы білім беру мекемелерінің оқушыларына өрт қауіпсіздігі саласындағы жүйелі білімді, оқыту және көзделген дағдыларды қалыптастыруды интерактивтік сабақ жүргізу жолымен жүзеге асырады.
Интерактивті сабақтар профилактикалық жұмысты атқару мен халықты қауіпсіздік қағидаларына және төтенше жағдайлар кезіндегі іс-қимылдарына оқытудың тиімді тәсілі болып табылады.
ТЖД қызметкерлері Қызылорда облысы Білім басқармасының «Дарын» қосымша білім беру орталығының қызметкерлерімен бірлесіп «Тұрмыстық өрттердің себебі және өрт қауіпсіздік шаралары» тақырыбында интерактивті сабақ өткізді, оған облыс бойынша 57 мектептің 1060 оқушысы, сондай-ақ «Болашақ» колледжі мен М.Мәметова атындағы педагогикалық коллдедждің 50 студенті қатысты.
Оқу процесі барысында оқушыларға слайдтар, азаматтық қорғау қызметінің жұмысы туралы имидждік фильмдер, сонымен қатар оқыту бейнероликтері көрсетілді.
