САРБАЗДАРҒА СӘТТІЛІК ТІЛЕДІ

– Халқымызда «Отан мен отбасы егіз ұғым» деген даналық сөз бар. Отанды қорғау міндеті елдің ержүрек азаматтарына жүктелетіні белгілі. Елжанды, патриот азаматтар ғана елге қалтқысыз қызмет етеді. Осы ретте, мектеп қабырғасында тәлімді тәрбие алып, қоғамда жақсы қырынан таныла білген Сізге әскери парызды өтеу барысында жетістіктер мен сәттіліктер тілеймін. Әскери қызметте абырой тұғырынан көрініп, ата-аналарыңыздың үмітін, ұстаздарыңыздың сенімін ақтауға тілектестігімді білдіремін,- деген Балшекер Сұлтанбекқызы жас сарбаздарға құттықтау хат табыс етті.
Іс-шара барысында сөз алған аудандық ардагерлер кеңесінің төрағасы Х.Әбенұлы егемен елдің тыныштығы жолында әскерге аттанған сарбаздар жастар үшін үлгі-өнеге екенін атап өтті. «Болашаққа бағдар: рухани жаңғыру» бағдарламалық мақаласына орай өткен салтанатты шарада патриоттық әндер айтылып, аудан өнерпаздары өз өнерлерін көрсетті.
Сырдария ауданы әкімінің баспасөз қызметі