ТҮЛЕКТЕР ТУҒАН ЖЕРДІ ТҮЛЕТУГЕ НИЕТТІ
«Туған жерге тағзым» акциясы аясында Жалағаш ауданынан түлеп ұшқан, қазіргі таңда еліміздің әр қиырында абыроймен қызмет атқарып жүрген бірқатар азаматтар туған жердің, ауылының көркейіп, гүлденуі үшін өз үлестерін қосуға ниетті.
Атап айтқанда, «Қазақстан Радиолары» ЖШС директоры М.Манатбек туған ауылындағы спорт мектебі ашылған жағдайда дзюдо жаттықтырушының өз айлығын мойнына алды. Айтыскер ақын М.Ниязов озат оқушыларға шәкіртақы тағайындағанын, Жалағаш ауданының гимнін жазатынын, туған ауылына спорт жаттықтырушысын әкелетіндігін айтты. Ал Қаракеткен ауылының тумасы Болат Қуандық ауылда тренажерді зал салатындығын, Ақтөбеден келген Жалағаш ауданының тумасы Сағымбай Қоңырбаев қаржылай қолдау көрсететіндігін айтты.
