МЕКТЕПТЕ ЭСТАФЕТАЛЫҚ ЖАРЫС ӨТКІЗІЛДІ
Қалалық білім бөлімінің ұйымдастыруымен №235 орта мектеп базасында Қазақстан Республикасының Тәуелсіздігін оқушы бойына сіңіру, оқушыларды патриоттық, елжандылыққа, Отан сүйгіштікке баулу және салауатты өмір салтын сақтауды насихаттау мақсатында «Тәуелсіздік ұландары» атты эстафеталық жарыс өткізілді.Жарыс барысында оқушылар «Тұлпар», «Достық» және «Барыс» командалары болып бөлініп, белсенді түрде қатысты. Жарыстың ашылуында 16 желтоқсан – Қазақстан Республикасының Тәуелсіздігіне 26 жыл және Астана қаласының 20 жылдығы туралы соның ішінде еліміздің осы уақытқа дейінгі жетістіктері насихатталып, жарыстың мақсат-міндеттері таныстырылды.
Эстафетаға 5-9 сынып оқушылары мен мұғалімдері қатысып, 5 /бес/ тур бойынша өнерлерін көрсетті.
Нәтижесінде, «Достық» командасы дәрежелі І орын, «Барыс» командасы дәрежелі ІІ орын және «Тұлпар» командасы дәрежелі ІІІ орын иеленіп, мектеп директорының дипломдарымен марапатталды.
