ЖАТ ӘДЕТТЕРГЕ БОЙ АЛДЫРМАУ ТАРАЗЫЛАНДЫ
Қызылордада облыстық наркологиялық диспансердің дәрігері Н.Жолдыбаева және Қызылорда облысы Төтенше жағдайлар департаменті Өрт сөндіру және авариялық-құтқару жұмыстары қызметі заң тобының заңгер-кеңесшісі Б.Күмісбаева қатысуыларымен №8 өрт сөндіру бөлімінің жеке құрамымен бірлескен профилактикалық кездесуі өтті.Кездесу барысында наркологиялық диспансердің дәрігері Н.Жолдыбаева өрт сөндірушілерге адам денесіндегі алкогольдік сусындардың зиянды әсерлері және алкогольді артық тұтыну қайғылы салдарға әкелуі мүмкін болатынын еске салды. Өз сөзінде ол есірткі заттарын қабылдайтын адамның негізгі ерекшеліктерін атап өтті.
Моральдық-адамгершілік имиджі мен іскерлік қасиеттеріне қойылатын талаптарды арттыру мақсатында Б.Күмісбаева Қазақстан Республикасы азаматтарының қауіпсіздігін қамтамасыз ететін Отанға қызмет ету үшін азаматтық және қызметтік борышына үлгі және адал болу үшін ар-намыс кодексінің ережелерін сақтауды еске алды.
Сондай-ақ ол жүргізушілерге жол-көлік оқиғаларының себептері мен зардаптарын түсіндіріп, жол ережелерін сақтауға шақырды. Кездесу соңында өрт сөндірушілер өздері қызықтырған мәселелер бойынша мамандардың жауаптарын алды.
