КӘСІПКЕРЛЕРГЕ ҚЫЗМЕТ КӨРСЕТУ ОРТАЛЫҒЫНЫҢ ТИІМДІЛІГІ ЗОР
Ағымдағы жылдан бастап электрмен, сумен, газбен жабдықтауға қосу және қажетті техникалық шарттарды алу рәсімдерін жеңілдету мақсатымен Кәсіпкерлерге қызмет көрсету орталығы өз қызметін бастады.Айта кету керек, оған дейін бұл қызмет түрлеріне 1,5-2 ай кететін. Қазір кәсіпкерлер 5 күннің ішінде алуда.
Елбасы Жолдауында айтылған тапсырмаға сай, қазір бұл қызмет түрлерін электронды форматқа өткізу шаралары жүргізілуде. Нәтижесінде кез келген кәсіпкер үйінен немесе жұмыс кабинетінен шықпай-ақ қызметтерді 3 күннің ішінде алатын болады.
Атап айтқанда, бағдарлама аясындағы «Бастау Бизнес» жобасы бойынша биыл облыстың Арал, Қазалы, Қармақшы, Шиелі, Жаңақорған аудандарынан 937 адамды оқыту жоспарланған. Бүгінде солардың ішінде 647 адам оқытылды. Соның ішінде жалпы құны 445,5 млн.теңгені құрайтын 123 жоба «Ауыл шаруашылығын қаржылай қолдау қоры» АҚ Қызылорда облыстық филиалы мен «Қызылорда» өңірлік инвестициялық орталық арқылы қаржыландырылды. Облыста сондай-ақ «Бизнес-кеңесші» оқу курсына қатысуға өтінім берушілердің саны басым. Мәселен, қазірдің өзінде аймақтың 1460 тұрғыны осы жоба бойынша біліктілігін жетілдірген.
