ШИЕЛІДЕГІ «АЛТЫН КҮЗДЕ» ҮЗДІКТЕР МАРАПАТТАЛДЫ
Үстіміздегі жылғы аудандағы «Алтын күз-2017» шарасы мемлекет және қоғам қайраткері, геология-минерология ғылымдарының докторы, ғалым Шахмардан Есеновтың 90 жылдық мерейтойымен қоса-қабат келді.Бұл шара барысында аудан әкімі Қайратбек Сәрсенбаев, ғалым, философия ғылымдарының докторы, профессор, Қазақстан Ұлттық ғылым академиясының академигі Досмұхамед Кішібеков егіс даласында еселі еңбек еткен елдегі ағайынға ақжарылқап тілегін арнады. Аудан дамуына елеулі үлес қосқан азаматтарға шара барысында Шиелі ауданының «Құрметті азаматы» атағы берілді. Сондай-ақ, ауыл шаруашылығы саласы үздіктері бірқатар номинациялар бойынша марапаттады.
