ҚАЗАҚСТАНДЫҚТАР ЖЕЛТОҚСАН АЙЫНДА НЕШЕ КҮН ДЕМАЛАДЫ
Қазақстанда жыл сайын желтоқсан айында екі мереке аталып өтеді – Қазақстанның тұңғыш президенті күні мен Тәуелсіздік күні. Демек қазақстандықтар қосымша үш күн демалады, деп хабарлайды Қазақпарат.
1 желтоқсан – Қазақстанның тұңғыш президенті күні. Аталған мереке биылғы жылы жұма күніне түсетіндіктен, қазақстандықтар қатарынан 3 күн демалады. Бұл тек бес күндік жұмыс тәртібіне қатысты. Алты күндік жұмыс аптасы үшін 2 желтоқсан – жұмыс күні.
Ағымдағы жылы тәуелсіздік күні 16, 17 желтоқсан күндері тойланады. Мереке сенбі және жексенбі күндеріне түседі. Қазақстандағы мейрамдар туралы заң бойынша, мереке жұмыс күндеріне сәйкес келсе, мерекеден кейінгі жұмыс күндері демалыс саналады. Осылайша, қазақстандықтар 16-19 желтоқсан күндері аралығында 4 күн демалады.
