СТУДЕНТТЕР ТЕАТР ӘРТІСТЕРІМЕН КЕЗДЕСТІ
1946 жылы 17 қарашада Прагада өткен чехиялық студент-патриоттардың құрметіне болған Бүкіләлемдік студенттер конгресінде Халықаралық студенттер күні белгіленді.Осы мейрам қазірде әлемнің түпкір-түпкірінде бар сән-салтанатымен аталып өтіледі.
Осы орайда «Рухани Жаңғыру» бағдарламасы аясында және Халықаралық студенттер күніне орай 17 қараша күні қаламыздағы іргелі оқу орындарының бірі «Болашақ» университетінің студенттері театрымыздың жас артистерімен кездесіп, арнайы студенттерге Б.Әлімжановтің «Ойнайықшы бір! Ойлайықшы бір...» комедиясы ұсынылды. Студенттік өмірдің тәтті шағынан, оның ішінде жатақхана өмірін айқын көрсетіп, студенттердің көңілдерін көтеріп қайтты. Спектакльді оқу орынының ұстаздары мен студенттері тамашалап, арнайы сөз сөйлеп, өз алғыстарын білдіріп, алдағы уақыттада қызықты қойылымдармен көрермендерді қуанта беріңіздер деген ыстық тілектерін білдірді.
