«Бірге – таза Қазақстан!» экологиялық акциясы жалғасуда
«Бірге – таза Қазақстан!» экологиялық акциясын еліміздегі барлық өңірлер қолдап, қаланы тазалау бойынша сенбілік жұмыстарын өткізуде.
Бұл экочеллендж Қызылорда қаласында да жалғасты. Таңғы 9:00-ден бастау алған шараға мемлекеттік қызметкерлер жұмылдырылып, арнайы бекітілген сызба бойынша Сырдария өзенінің жағалауын тазартуға кірісті. Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаментіне тазалау объектісі ретінде «Арай-2» мөлтек ауданынан Ғани Мұратбаев көшесіне дейінгі аралық бөлінген. Тазалық жұмыстарына білек сыбана кіріскен ұжым тиесілі аумақты темекі қалдықтарынан, әйнек сынақтарынан, қоқыстан тазартты. Игілікті шараға Департаменттен барлығы 50 адам қатысты.
