Әбділда Тәжібаевтың шығармашылығына арналды
Ә.Тәжібаев атындағы облыстық әмбебап ғылыми кітапханасы мен Абай атындағы Шығыс Қазақстан облыстық кітапханасымен бірлескен онлайн-кездесу ұйымдастырылды.
Бұл шара көрнекті ақын Әбділда Тәжібаевтың туғанына 110 жыл толуына орай «Бір ел - бір кітап» республикалық акциясы аясында жалпыхалықтық оқуға ұсынылған ақын шығармаларына талдау жасау мақсатында өткізілді.
Шарада Қызылорда және Шығыс Қазақстан облыстық кітапханаларының басшылары құттықтау сөз сөйлеп, филология ғылымдарының кандидаты, доцент А.Айтбаева баяндама жасады. Ақын, ұстаз Д.Торғаева мен ақын-журналист Н.Рахмет ақынның өмірі мен шығармашылығы жайында әңгімелер қозғап, қаламгер туралы естеліктерімен бөлісті. Сонымен қатар Семей медицина университеттерінің студенттері мен Ә.Тәжібаев атындағы облыстық әмбебап ғылыми кітапханасының кітапханашылары ақын өлеңдерінен үзінділер оқыды.
