МАМАНДАР WI-FI ЖҮЙЕСІНІҢ ҚАУІПСІЗДІГІНЕ АЙТАРЛЫҚТАЙ ҚАУІП ТӨНГЕНІН АНЫҚТАДЫ
Мамандар Wi-Fi жүйесінің қауіпсіздігіне айтарлықтай қауіп төнгенін анықтады. Бұл туралы The Verge басылымына сілтеме жасап Baq.kz ақпарат агенттігі хабарлайды.Сарапшылар жеке және корпоративтік желілерді қорғау үшін пайдаланылатын WPA2 қауіпсіздік хаттамаларында маңызды мәселелердің бар екенін анықтаған. Олардың пікірінше кез келген Wi-Fi желісінің осал тұсын анықтап, барлық трафикке қол жеткізуге болады.
«Егер сіздің құрылғыңыз Wi-Fi желісіне қосылған болса, демек қауіп төніп тұр деген сөз», - делінген зерттеу туралы хабарландыруда.
Сонымен қатар, сарапшылардың айтуынша, Android-қа негізделген құрылғылардың 41 пайызы осалдықтың «өте деструктивті» нұсқасына бағынады.
Зерттеушілер басқа қауіпсіздік хаттамаларын пайдаланбауға кеңес береді, себебі олар одан өткен сенімсіз болуы мүмкін.
