ДӘРІГЕРЛЕР: ҚОЛ АЛЫСҚАНДА ҚОЛЫН ҚАТТЫ ҚЫСАТЫН ЕР АДАМДАРДЫҢ ҮЙЛЕНУГЕ МҮМКІНДІГІ КӨП
АҚШ-та Колумбия университетінің дәрігерлері қол алысқанда қолын қатты қысатын ер адамдардың үйленуге мүмкіндігі көп деген тұжырым жасады.
Бұл туралы SSM-Population Health журналына сілтеме жасап Stan.kz хабарлайды.
Зерттеуге 1923-1948 жылдар арылығында дүниеге келген 5 мың адам қатысқан. Зерттеушілер динамометрдің көмегімен қатысушылардың қол қысу күшін тексеріпті. Мұнан кейін ғалымдар қатысушылардың отбасылық өмірі туралы мәліметтерді зерттеді.
Анықталғандай, қол қысқанда әлсіздік танытқан ер адамдар қолын қатты қысатындарға қарағанда сирек отбасын құрған.
«Біздің көрсеткіштерімізден байқалғандай, әйелдер өздерінің мықты әрі сау екенін көрсете білетін ер адамдарды таңдайды», – дейді зерттеу авторы, профессор Вегард Скирбекк.
Айта кетсек, бұған дейін Манчестер университетінің зерттеушілері қол алысқан кезде қолын қатты қысатын адамдардың ақыл-ой, есте сақтау қабілетімен ерекшеленетінін анықтаған еді.
