ИТ МЫҢ ЖЫЛДА, ТҮЛКІ ЕЛУ ЖЫЛДА ҚОЛҒА ҮЙРЕНГЕНІҢ БІЛЕСІЗ БЕ?
1959 жылы генетик ғалым Дмитрий Беляев түлкіні қолға үйрету бойынша зерттеу бастаған. Нәтижесінде адаммен берік достық орната алатын, тұрқы мен мінезі итке ұқсас жануарлар қатары анықталды. Табиғи жолмен иттер мың жыл көлемінде адаммен достық орнатса, ғалымдар тобы бұл үдерісті 50 жылға қысқартып, осы уақыт ішінде түлкіні үй жануарына айналдырған.Қазіргі ғылым да бұл мәселені тереңінен зерттеу үстінде. Жақында Иллинойс университетінің генетик ғалымы Анна Кукекова түлкілердің бойынан қолға үйренуге бейім қасиетті анықтаған. Оның айтуынша, үй жануарларының бойында соған бейім қасиет табиғатынан болады.
Бұл туралы Barcroft Media, TASS басылымы хабарлады. Ғалым өз сұхбатында түлкіні үй жағдайына бейімдеу селекциясы үшін көп уақыт керек екендігін айтқан. Дегенмен, түлкілер үй жануары ретінде толыққанды адамдарға сіңісе қоймаған.
Б.Сәтжан
