ҒАЛЫМДАР ТАҚЫРБАСТЫҚТАН ҚАЛАЙ ҚҰТЫЛУҒА БОЛАТЫНЫН ОЙЛАП ТАПТЫ
Оңтүстік Кореядағы Йонсей университетінің ғалымдары тақыр басқа жаңа шаш өсіретін дәрі түрін ойлап тапты. Бұл туралы NUR.KZ порталы lenta.ru сайтына сілтеме жасап хабарлайды.
Олар зерттеу нәтижелерін Journal of Investigative Dermatology атты ғылыми журналға жария еткен. Жаңа дәрі шаштың өсуін болдырмайтын екі ақуыздың синтезіне кедергі келтіретіні анықталды.
Тышқандарға жасалған тәжірибе нәтижесінде олардың түгі 28 тәулік ішінде жаңадан шығып үлгерген. Енді ғалымдар бұл дәрінің жануарларға зияны бар-жоғын тексермек. Егер зияны анықталмаса, оны адамдарға да қолдану мүмкіндігі қарастырылатын болады.
