Құрылысшылардың өліміне қатысты жаңа мәліметтер жарияланды
Кеше Қазалы ауданы, Әйтеке би кентінде құрылысы жүріп жатқан нысанның бірінде оқыс оқиға болды.Онда екі жұмысшы абайсызда құлап, бірі сол жерде көз жұмды. Ал, екіншісі ауруханада жан тапсырды. Оқиға бойынша ҚР Қылмыстық Кодексінің 156-бабының 4-бөлігіне сәйкес (Еңбектi қорғау қағидаларын бұзу абайсызда екі немесе одан да көп адамның өліміне әкеп соққан іс-әрекет) сотқа дейінгі тергеп-тексеру амалдары жүргізілуде. Сарапталамалар тағайындалды. Қазіргі кезде оқиғаның мән-жайы анықталуда.
Қызылорда облысы Полиция департаментінің баспасөз қызметі
