Белсенді жастар – ел ертеңі
Асқар Тоқмағамбетов атындағы қалалық мәдениет үйінде «Jas Otan» Жастар қанаты Қызылорда облыстық филиалының ұйымдастыруымен «JETISTIK» жастар форумы өтті. Мұндағы мақсат – еліміздің ертеңі саналатын жастарға мотивация беру, рухани жан-жақты дамуына қолдау көрсету болып табылады.
Шара барысында сөз алған «Nur Otan» партиясы облыстық филиалы төрағасының бірінші орынбасары Ақмарал Әлназарова жастар саясаты мәселесіне ерекше тоқталып өтті. Форумға қатысқан жас кәсіпкерлер мен белсенді жастар өз тәжірибесімен бөлісіп, қоғамдағы қарапайым қағидалар жөнінде пікір алмасты. Жастар жылы қолға алынған бұл шара – аймақ жастарына үлкен серпіліс берері сөзсіз.
Айнұр ТӨРЕМҰРАТОВА
