Қызылордалық оқушылар Түркістандағы киелі жерлерді аралады
Қызылорда қаласының озат оқушылары Түркістан облысындағы киелі орындармен танысып қайтты, деп хабарлайды ҚазАқпарат тілшісі.Аталған шара Тұңғыш Президент – Елбасы Нұрсұлтан Назарбаевтың «Болашаққа бағдар: рухани жаңғыру» бағдарламасы аясында жүзеге асырылды. Киелі мекендерге сапар шеккен қызылордалық оқушылар қатарында республикалық, облыстық олимпиада жеңімпаздары бар. Сондай-ақ, мұндай мүмкіндікке аз қамтамасыз етілген, көп балалы отбасы балалары да ие болды. Осындай қамқорлық аясында барлығы 50 оқушы Түркістан облысындағы Арыстан баб, Қожа Ахмет Яссауи кесенелеріне барды.
