Қызылордада республикалық жас архивистер конкурсы аяқталды
Қызылордада 24-25 қыркүйек күндері Тұңғыш Президент - Елбасы Нұрсұлтан Назарбаевтың «Болашаққа бағдар: рухани жаңғыру» бағдарламасы аясында жас архивистер байқауы өтті. Шараны ҚР Президенті архиві мен Қызылорда облысының мәдениет, архивтер және құжаттама басқармасының ұйымдастырды. Биыл республикалық конкурс үшінші рет өткізіліп отыр. Байқауға ҚР Президенті архиві және Алматы, Жамбыл, Түркістан, Атырау, Батыс Қазақстан және Қызылорда облысынан барлығы 8 команда қатысты.Конкурсты облыс әкімінің орынбасары Наурызбай Байқадамов ашып, қатысушыларға сәттілік тіледі.
Екі күнге созылған республикалық конкурста қазылар алқасының қортындысымен Бас жүлдені Қызылорда облысының «Сыр жастары» командасы жеңіп алды. Одан кейінгі орынға ҚР Президенті архивінің «Жас қыран» командасы ие болды.
