2020 жылы мұғалімдердің жалақысы 25%-ға өседі
Қазақстанда 2020 жылы педагогтердің жалақысы өседі, деп мәлімдеді Президент Қасым-Жомарт Тоқаев Парламент палаталарының бірлескен отырысында.«Мен тамыз конференциясында мұғалімдердің жалақысын төрт жылда екі есе көтеруді тапсырдым. Бұл келесі жылдан бастап мұғалімдердің жалақысы 25%-ға өседі деген сөз», — деді Мемлекет басшысы.
Еске сала кетейік, тамыз конференциясында Президент Қасым-Жомарт Тоқаев мұғалімдердің жалақысы төмен болып қалатынын және Қазақстандағы экономика бойынша орташа жалақының 65%-ын құрайтынын мәлімдеді.
