10 ауылдың қуанышы
Облыс әкімі Қуанышбек Ысқақовтың аудандарға жұмыс сапары елге қуаныш сыйлады. Атап айтар болсақ, аймақ басшысының Қазалы ауданы сапарында Қарлаң көпірінің салынатындығын аймақ басшысынан естіген ел бұл жаңалықты сүйіншілей жеткізді. Әсерес, онға жуық ауылды орталықпен байланыстырған көпір қиындығын көрген ауыл тұрғындары бұл жаңалыққа қатты қуанды. Қалқымалы көпірден «Бірлік, «Өркендеу», «Тасарық», «Лақалы», Қожабақы», Бозкөл» ауылының тұрғындары орталыққа қатынайды. Күз және көктем мезгілдерінде, сең жүру кезінде елді мекенде жол қатынасы үзіліп, тұрғындар қиын жағдайда қалатыны белгілі. Осы мәселені тілге тиек еткен тұрғындардың өтініші елеусіз қалмады. Көпір жайын көзбен көрген аймақ басшысы «Қарлаң» учаскесіне темір-бетон көпір салу үшін техникалық-экономикалық негіздемелері дайын екендігін, енді жоба-сметалық құжаттарына қажетті қаржы бөлінетінін жеткізді.
