Арамза сөзінің мағынасы нені білдіреді?
Арамза молда мағынасын көбінше қу, залым ұғымында қабылдап келдік. Дегенмен бұл жерде басқа мақсатты көздеу негізделген сияқты. Мысалы нәпсіқұмарлық ниетке байланысты айтылған. Молданың алдына кім келмейді, жас та, кәрі де дегендей әркімнің өз жөні бар. Қазақта «молданың айтқанын істе, істегенін істеме» дейді. Неге бұлай? Демек бір шикіліктің бар екені рас.Біз сөздің түп төркінін таппай жатып, басқа мағынаға қолдануға бейімделіп барамыз. Жалпы арамза деген нені білдіретінін білесіз бе? Білмесеңіз айтайын. Мезгілсіз уақытта, ұрғашы мал бұрын қашып кетіп, қыста туған төлді «арамза» деп атаған. Ал, жаппай төлдеп болғаннан кейін бірен-саран мал төлдейді. Оны «кенже туды» дейді.
Қаныбек ӘБДУОВ, журналист.
