Сейілбектің салиқалы сөздері
Айтыскер ақын Серік Ыдырысовтың көңілге түйген керемет ойлары баршылық. Бірде мемлекет және қоғам қайраткері Сейілбек Шаухаманов жайлы айтты.– Ғұлама кісі ғой, сөзді орнымен, әрі тапқыр айтады, – деді.
– Сізде есті естелік көп деп ойлаймын. Солардан айтсаңыз...
– Бірде қатарлас бір кісі қайтыс болып, соның жаназасында тұрғанда Сейілбек аға: – Ажал деген қасқыр ғой, сол қасқыр біздің қораға да шапты, –депті. Қалай тауып айтылған тапқырлық!
Тағы бірде екі баласы қатар өмірден өткен отбасыға көңіл айта барған Сейілбек аға: – Екі баладан айырылу ауыр жағдай екенін білемін. Бірақ ақылды жойма, ақырын ойла, –деді. Айтса айтқандай, кейіннен әлгі кісі үш перзент сүйді.
Міне, өмірден өтсе де артында өшпес ойлар қалған Сейілбек аға осындай болған.
Қ.Әбдуов
