Қармақшы ауданының әкімі дарынды балалармен кездесті
Қармақшы ауданының әкімі Мұса Қалдарбеков аудандағы оқуда озат, дарынды, қоғамдық жұмыстарда белсенді, шығармашыл жасөспірімдермен кездесті.«Дарынды бала – ел болашағы» атты кездесудің мақсаты – оқу мен шығармашылықта жоғары нәтижелер көрсеткен дарынды өрендерді қолдау болып табылады. Шараға жыл бойы аудан атынан облыс, республика деңгейіндегі сайыстар мен байқауларда жеңімпаз атанып, жоғары жетістіктерге ие болған оқушылар қатысты.
К.Томанов атындағы №183 орта мектебінде өткен шарада аудан басшысы роботехника, көркем еңбек кабинеттерін аралап, оқушылардың үйірмелерінің жұмыстарымен танысты.
Республикалық және облыстық байқаулардың жеңімпаздары өз кезегінде жетістіктерімен келешек жоспарларымен бөлісіп аудан басшысымен еркін форматта сұхбаттасты.
Қармақшы ауданы әкімінің баспасөз қызметі
