Өнеркәсіптік даму қарқын алады
Экономикалық дамудың негізгі көзі ретінде экспортқа бағытталған өндірісті дамыту – бүгінгі күннің басты жоспары. 2018 жылы ел игілігіне берілген тампонажды цемент өндіру зауыты бүгінде 6 цемент түрін өндіреді. Соның нәтижесінде былтырдан бастап құрылыс өнімі экспортқа шығарыла бастады.Ал, қара тақтатастарды автоклавты қайта өңдеу бойынша жоба іске асырылып жатқан «Баласауысқандық» ванадийлі кен орнынан жыл сайын Ресей мен Ұлыбританияға 200 тоннадан астам аммоний метаванадаты экспортталуда. Енді биыл жалпы құны 408 млрд.теңгеден асатын тағы 10 ірі жобаны іске асыруды жоспарлап отыр. Осылайша, өңдеу өнеркәсібін дамыту арқылы мұнайға тәуелділіктен арылуға мүмкіндік тумақ.
