Қызылордада тұрғын үйдегі өрттен бір адам көз жұмды
23 ақпан күні 18 сағат 48 минутта Қызылорда қаласы Шілдебаев көшесі 74 тұрғын үйден өрт шығып жатқандығы туралы "112" құтқару қызметіне қоңырау түсті. Аталған оқиға орнына жедел жеткен өрт сөндіру қызметінің жеке құрамы барлаужұмыстарын жүргізді. Нәтижесінде көлемі 12×15 болатын тұрғын үйдің, көлемі 4×4 болтын асхана бөлмесінен өрт оқиғасы шыққаны анықталып, тілсіз жауды оқшаулау барысында мамандар газ түтінінен қорғау буынына қосылып, үй ішінен ес-түссіз жатқан 1 топ мүгедегі, 1983 жылғы азаматты қауіпсіз жерге шығарған. Алайда жедел-жәрдем қызметкерлерінің қарауынан соң қайтыс болған.
Өртті сөндіруге төтенше жағдайлар департаментінен 6 техника 25 қызметкер жұмылдырылды. Өрт салдарынан тұрғын үйдің асхана бөлмесіндегі тұрмыстық заттары мен төбе жабыны толық жанған.
Қазіргі таңда өрттің шығу себебі мен шығыны анықталу үстінде.
Облыстық ТЖД
