Бас қақпаның келбеті қандай?
Темір жол вокзалының қауіпсіздігін тексере барған қала әкімі нысанға қатысты кемшіліктерді де тілге тиеік етті. Бас қақпаның келбеті қаланың тыныс-тіршілігінен хабар беретіні жеткізген шаһар басшысы тиісті мамандарға жөндеу жұмыстарын жүргізуді тапсырды. Қазіргі таңда ғимаратқа әктеу, сырлау секілді жөндеу жұмыстары қажет екені аңғарылды. Әкім вокзал әкімшілігіне қажетті жөндеу жұмыстарын 3 күн ішінде аяқтау керек екенін ескертті.«Жөндеу жұмыстары тез арада басталуын қадағалау қажет. Бірақ ол уақытқа дейін ғимарат әктеліп, сырлансын. Ол үшін көп қаражаттың қажеті жоқ. Вокзалға келушілер сіздерді жазғырмайды, олар «әкімдік қайда қарап отыр» деп бізді сынайды. Сондықтан вокзал маңайындағы жаяу жүргіншілер жолағын, ғимарат сыртын, сондай-ақ Шиелі ауданымен шектесетін маңайына дейін теміржол айналасына тазалық жұмыстарын жүргізу қажет», – деді қала әкімі.
Е.БАЛТАБЕКҰЛЫ
