ҚЫЗЫЛОРДАДА МҮГЕДЕКТЕРГЕ АРНАЛҒАН АКЦИЯ БАСТАЛДЫ
1992 жылы БҰҰ Бас Ассамблеясының 47-сессиясының арнайы қарарында 3 желтоқсанды халықаралық мүгедектер күні деп жариялап, бүкіл мемлекеттерді және халықаралық ұйымдарды осы күнді өткізу барысында ынтымақтасуға шақырған болатын.Осыған орай, мүмкіндігі шектеулі адамдар үшін қолжетімді ортаны қалыптастыру, жол қозғалысына қатысушылар арасында әдепті қарым-қатынас орнату және оларды жолда тең мүмкіндікпен қамтамасыз ету мақсатында осы жылғы желтоқсан айының 4-8 күндері аралығында облыс аумағында «Тең мүмкіндіктер жолы» республикалық акциясы өткізілуде.
Қызылорда облыстық ІІД баспасөз қызметінің хбарлауынша акция барысында көше-жол желілерінің және мүмкіндігі шектеулі жандар көптеп баратын мекеме аумақтарының тиісті жол белгілерімен және басқа да техникалық құралдармен жабдықталуын қамтамасыз ету шаралары жүргізіледі.
Сонымен қатар жол қауіпсіздігі мәселелері бойынша құқықтық сауаттылыққа бағытталған дәрістер, дөңгелек үстелдер, конференциялар ұйымдастырылмақ.
