МҮМКІНДІГІ ШЕКТЕУЛІ ЖАНДАРҒА КӨМЕК АРТТЫ
Облыс бойынша 29 мыңнан астам мүмкіндігі шектеулі жандар бар. Мүгедектердің жеке оңалту бағдарламалардың орындалуына облыстық бюджеттен 2017 жылға 415 млн.теңгеге жуық қаражат бөлініп, 12 мыңға жуық жеке оңалту бағдарламалары орындалды.
Бұл туралы бүгін Өңірлік коммуникациялар қызметінде өткен баспасөз конференциясында облыстық жұмыспен қамтуды үйлестіру және әлеуметтік бағдарламалар басқармасының басшысы Мұрат Ергешбаев мәлімдеді.
Мемлекеттік тапсырыс шеңберінде үкіметтік емес ұйымдар арқылы 16 жобаны іске асырып отыр, оған бюджеттен 194 млн. теңге қаражат бөлінген. Оның ішінде, мүмкіндігі шектеулі жандарға барынша жағдай жасау мақсатында мемлекеттік тапсырыс негізінде Қызылорда қаласында 4, аудандарда – 14 «Инватакси» жұмыс жасайды. 1185 нысанның 926 на бейімдеу шаралары жүргізілген. 2019 жылға дейін 314 нысанды бейімдеу жоспарланып отыр.
