Апталықтың айтары бар
Қашанда мерзімді басылымның мәртебесі үстем. Онда ойдың тұнығы, сөздің құндысы жазылады. «Газет – халықтың көзі, құлағы һәм тілі» деп Ахмет Байтұрсынұлы айтқан сөздің астарында аласармас ақиқат жатыр.
Қалалық «Ақмешіт апталығы» газеті аптасына екі рет елмен емен-жарқын сырласып отырған Сыр халқының сүйікті басылымы. Рухани діңгегіміздің негізі. Газет – сауаттылық пен эстетиканың жаршысы. Тіл ұстартып, тәрбие беруші құрал. Бұл тұрғыдан алғанда апталықтың бәсі биік.
Дүниежүзін дендеген дерт аймағымызды да айналып өтпеді. Дегенмен әр істің қайырын хақтан тілеген халқымызға таудай төзім тілеймін. Төтенше жағдай кезінде үйде отырып ел ішіндегі соңғы жаңалықтарды шынайы әрі нақты білгіңіз келсе оны «Ақмешіт апталығы» айтады.
Отбасымыздың сырласына айналған апталықтың айтары бар. Сіздерге де жазылуға кеңес беремін. Атының өзі үлкен тақырыптан, үлкен дүниеден бастау алған басылымның берері көп. Салмақты салаларды қамтитын төл газеттің әрбір саны танымдық материалдармен толығып тұрады. Ол оқырманның олжасы.
Айдос РАХМЕТОВ, айтыскер ақын, жырау,
ҚР «Мәдениет саласының үздігі».
