Қалалық қоғамдық-саяси газет

Ақмешіт апталығы

Газет 1994 жылдан бастап шығады
» » Дәрігерлер аллергиясы барларға пандемия кезінде сақ болуды ескертеді

Дәрігерлер аллергиясы барларға пандемия кезінде сақ болуды ескертеді

Бүкіл әлемде COVID-19 инфекциясының таралуына  байланысты биылғы көктем ерекше болып тұр. Бұл жөнінде  Еgemen.kz жазды.
Алматыдағы Кардиология және ішкі аурулар ғылыми-зерттеу институтының Республикалық аллергологиялық орталығының жетекшісі, медицина ғылымдарының докторы, жоғары санаттағы дәрігер Динара Талғатбекова маусымдық аллергиясы бар, тыныс жолдарының созылмалы аллергиялық ауруларына шалдыққан адамдарға коронавирустың таралуына байланысты жоғары қауіп төнуі мүмкін, дейді.
Динара Жеңісбекқызының айтуынша, мұрын-жұтқыншақ  – вирустар мен аллергендердің негізгі қақпасы. Қауіпті агенттердің алғашқы кедергісі болып табылатын мұрын-жұтқыншақтың сілемейлі қабығына ерекше назар аудару қажет. Тыныс жолдарының созылмалы аллергиялық қабынуы пациенттің сілемейлі қабығын вирустарға осал етеді.
Сондықтан, көктем мезгілінде, әсіресе сәуір айының аяғында – мамырда, ағаштар шаң баса бастағанда, мегаполис тұрғындары сақ болулары керек.
Мұрын қуысы өзінің сілемейлі қабығымен үнемі вирустармен күресіп, мұрын арқылы өтетін ауаны тазартып отырады. Оған әртүрлі бактериялар, вирустар, тозаң жиналады. Вирустық инфекция ағзаға тыныс алу жолымен еніп, тыныс алу жолдарының жасушаларында – көмей, трахея, бронхтарда жиналады. Бұл аллергеннің сілемейлі қабыққа оңай енетіндігін білдіреді. Иммунитет әлсіреген кезде зақымдалған сілемейлі қабықтар арқылы вирустар мен аллергендер организмге зиян келтіреді. Егер вирусқа көктемдегі өсімдіктер мен шөптердің гүлденуіне байланысты аллергия қосылса, науқастың жағдайына әсер етуі  мүмкін.
Сондықтан, инфекция аллергияның барысын, ал аллергия – вирустық инфекцияның ағымын нашарлатады. Сол себепті, аурудың алдын-алу өте маңызды. Ең қарапайымы – мұрынды, ауызды және тамақты тұзды сумен шаю. Бұл таңертең тісті тазалау сияқты. Біз тістерімізді кешке де тазалаймыз, қолымызды да күніне бірнеше рет жуамыз, мұрынның сілемейлі қабығымен де солай жасау керек. Вирустық инфекция кезінде мұрын-жұтқыншақтың уақтылы емделмеген аурулары (синуситтер, фарингит) ауыр асқынуға әкелуі мүмкін.
Аллергиясы бар науқас, әсіресе қазір өсімдіктердің гүлдену кезеңінде аурудың белгілері мен ауырлығын бақылау үшін дәрігердің тағайындаған терапиясын қабылдауы керек. Вирустар әрдайым аллергиялық аурулардың, әсіресе бронх демікпесінің өршуінің арандатушысы ретінде әрекет етеді.
Бронх демікпесі болған жағдайда, пациент дәрігер тағайындаған негізгі қабынуға қарсы терапияны алуы керек, сонымен қатар вирустық-бактериалды инфекциясының қосылу ерекшеліктерін ескере отырып, емдеуде вирусқа, бактерияға қарсы, иммуномодуляторлық дәрі-дәрмектерді қолдануға болады.
31 наурыз 2020 ж. 653 0

PDF нұсқалар мұрағаты

№92 (1693)

28 қараша 2020 ж.

№91 (1692)

24 қараша 2020 ж.

№90 (1691)

21 қараша 2020 ж.

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031

Суреттер сөйлейдi

ТҮНГІ ҚЫЗЫЛОРДА
01 қараша 2017 ж. 13 832 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам