ҚОҒАМДЫҚ ҚАБЫЛДАУ ЖӘНЕ МОНИТОРИНГ ЖҮРГІЗІЛДІ
«Жолдағы сыбайлас жемқорлық белгілерінің алдын алу мен оларды төмендету бойынша 10 қадам» жобасын жүзеге асыру бағытында, сыбайлас жемқорлықтың алдын алу, халықтың көкейіндегі өзекті мәселелерді шешуге жәрдемдесу мақсатында, Мамандандырылған халыққа қызмет көрсету орталығында Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің қызметкері Н. Жакудаев, Сыбайлас жемқорлыққа қарсы іс-қимыл Ұлттық бюросының (сыбайлас жемқорлыққа қарсы қызмет) Қызылорда облысы бойынша департаментінің штаб басқармасының аса маңызды істер бойынша офицері Т. Мустафаев, «Нұр Отан» партиясы Қызылорда облыстық филиалының заңгер-кеңесшісі С. Алшынбеков және «Азаматтарға арналған үкімет» МК КЕАҚ филиалы «Халыққа қызмет көрсету орталығы» департаментінің басшысы А.Тобаева тарапынан қоғамдық қабылдау өткізілді. Қоғамдық қабылдауда, азаматтардың өзекті сұрақтарына байланысты түсіндірмелер берілді және туындаған мәселелері оң шешімін тапты.Сонымен қатар, қоғамдық топпен Орталықтың қызметіне мониторинг жүргізіліп, анықталған кемшіліктер дер кезінде жойылды.
