Карантиндік режим күшейтіледі
Қазіргі таңда індеттің таралуын жою мақсатында қатаң шаралар қолға алынды. Төтенше жағдайға байланысты енгізілген карантин уақытында үйде отыруға тұрғындар үйренісе бастағаны байқалады. Дегенмен, тәртіп қатаң сақталады. Яғни, карантиндік режим күшейтіледі. Сонда ғана аталған індеттің таралуын азайтуға мүмкіндік бар.– Бүгін Қызылорда облысында жаңадан коронавирусы инфекциясы тіркелген жоқ. Өңірде COVID-19 вирусы бойынша тіркелген 143 науқас. Қазіргі таңда науқастардың жағдай бірқалыпты, емдерін жалғастыруда Коронавирус инфекциясын жұқтырғандармен қарым-қатынаста болған 2181 азамат анықталды. Оның ішінде, 1146-сы жақын байланыста, 1035-і жанама қатынаста болған. Олардың барлығы қатаң бақылауда, жағдайлары қанағаттанарлық, – деді өңірлік коммуникациялар қызметінде өткен брифингте облыстық денсаулық сақтау басқармасының басшысы Жақсылық Абдусаметов.
Басқарма басшысы тұрғындарды карантин режимін сақтап, үйде болуға шақырды. Сонда ғана аталған індеттің кеңінен таралуының алдын-алуға мүмкіндік бар.
"Ақмешіт ақпарат"
