РУХАНИ ЖАҢҒЫРУ - ДІҢГЕКТІ ИДЕЯ
Бұл туралы бүгін Өңірлік коммуникациялар қызметінде өткен баспасөз конференциясында Л.Гумилев атындағы Еуразия Ұлттық университетінің түркология кафедрасының профессоры, филология ғылымының докторы Шәкір Ибраев мәлімдеді.ШӘКІР ИБРАЕВ: "Елбасы рухани жаңғыру идеясын - өмір сүріп отырған тіршілігімізге бейімдеп, салт-дәстүрімізбен ұштастырған. Кез-келген ел өзінің болашағын ойлау үшін "кеше кім болдық, біз не атқардық, ертең не болады" деген сауалдарды қою арқылы ертеңгі ұрпақтың болашағына болжам жасауға мүмкіндік алады.
Біз дерексіз нәрсемен бейне жасамаймыз. Өткен тарихымызбен бүгінгі күнге қарай отырып, болашағымызды белгілейміз. Бүгінгі даму барысымызға, аяқ алысымызға сенімді болсақ, істеп жатқан істерімізге көңіліміз толар болса, ертеңгі болашағымыздан зор нәтижелер күтуге болады.
Рухани мәселелерді тәрбиемен тоғыстырып, идеологиялық ойларды игеріп, тарихымызды түгендеп, әдет-салтымымызды жинақтасақ, діңгекті идея боп шығады.
Діңгекті идея ол рухани болмысымыз, біздің азығымыз.
Егер рухани құндылықтардан жиренетін болсақ, біз рухани келбетіміз, ерекшелігімізден айырылып қана қоймай, басқа ұлттардың даярлап қойған құндылықтарының тұтынушысы ғана боламыз. Олай болмас үшін, өз болмысымызды жасауымыз керек".
