80 адам коронавирус инфекциясынан айықты
Коронавирус індетінен тағы 11 науқас емделіп шықты. Бұл туралы облыстық денсаулық сақтау басқармасы хабарлады.Емделушілердің емі толық аяқталған соң, 2 рет тест сынамасы алынды. Сынама нәтижесі теріс көрсеткіш көрсетуіне орай, яғни науқастар "Covid-19" вирусынан айығуына байланысты ауруханадан үйлеріне қайтарылды.
Індетті жеңген 11 емделушінің 1-еуі Қызылорда қаласының, 1-еуі Сырдария ауданы, 7-еуі Шиелі ауданы, 2-еуі Арал ауданының тұрғыны.
Емделушілер алдағы уақытта 14 күн бойы аймақтық дәрігерлердің бақылауында болады.
Айта кетейік, облысымызда бұған дейін 69 науқас "Covid-19" індетінен айыққан болатын. Қазіргі таңда аймағымызда барлығы 80 науқас коронавирус инфекциясынан жазылып шыққан.
