Суға түсу маусымына дайындық
Облыстың су айдындарында және Сырдария өзенінде суға түсу маусымы басталды. Бұл туралы өңірілік коммуникациялар қызметінің ақпараттық алаңында Қызылорда облысының Төтенше жағдайлар департаменті басшысының орынбасары Саид Молдақараев мәлімдеді."Судағы төтенше жағдайлардың алдын алу және жою бойынша Жедел-құтқару жасақ құтқарушылары өздерінің кәсіби біліктілігін арттыруда. Қазіргі уақытта жасақта 54 сүңгуір маман дайындықтан өтуде. Сондай-ақ, 18 бірлік техника және 29 жүзу құралы және 16 қайықтың ілмелі моторы бар. Бұған қоса, суға түсу маусымында адамдардың судағы қауіпсіздігін қамтамасыз ету мақсатында құтқарушылар техникасы, жүзу құралдары, сүңгуірлік құрал-жабдықтары дайындалды",- деді Саид Шазындаұлы.
Құрметті облыс тұрғындары, суға түсу маусымында қауіпсіздік ережелерін қатаң сақтаңыздар.
