Зияткерлер әскери-спорттық жарыста онлайн бақ сынасты
Қазақстан Республикасының Отан қорғаушылар күні және Ұлы Жеңістің 75 жылдық мерекесіне орай Қызылорда қаласындағы Назарбаев Зияткерлік мектебінің оқушылары арасында әскери-спорттық жарыс өткізілді.Патриоттық тәрбие беру және салауатты өмір салтын ұстануды жастар арасында насихаттау мақсатында ұйымдастырылған сайысқа 11-сыныптың білім алушы ер балалары қатысты. Жас зияткерлер қашықтан әскери азаматтарға тән негізгі қасиет - физикалық дайындықтарын тексеріп, кеудені жерден көтеру және белтемірге тартылу сынды жаттығуларда күш сынасты.
Нәтижесінде бірінші кезең бойынша Нұрасыл Сапа кеудесін ең көп 49 рет көтергені үшін үздік деп танылса, екінші этапта Руслан Когай белтемірде жасалатын жаттығудан алға озып, жеңімпаз атанды.
Жалпы командалық есепте 11 «C» сыныбы 3-орынды, 11 «А» сыныбы 2-орынды және 11 «D» сыныбы 1-орынды жеңіп алды.
