ӘСКЕРИ-ҚОЛДАНБАЛЫ СПОРТ ТҮРЛЕРІНЕН ОБЛЫСТЫҚ ЖАРЫС ӨТТІ
Қазақстан Республикасының Тұңғыш Президенті күніне орай техникалық және кәсіптік білім беру оқу орындары арасында алғашқы әскери дайындық пәні мұғалімдері арасында әскери-қолданбалы спорт түрлерінен облыстық жарыс өтті.
Облыстық жарысқа облыс аудандарынан және Қызылорда қаласынан 8 командадан 70 тен астам окытушы қатысты.
Жарыстың мақсаты - алғашқы әскери дайындық пәні мұғалімдері арасында әскери-қолданбалы спорт түрлері арқылы салауатты өмір салтын қалыптастыруды насихаттау, әскери қолданбалы спорт түрлерін одан әрі дамыту, алғашқы әскери дайындық пәні мұғалімдерін дене шынықтыру және спортпен жүйелі түрде айналысуға тарту, алғашқы әскери дайындық пәні мұғалімдерін шеберлігін шыңдау, бейбітшілік, бірлік, келісім ұғымын насихаттау, ұлтжандылық отан сүйгіштік сезімін ояту.
️Жарыс бағдарламасына сәйкес оқытушылар АК-74 оқу қаруын толық емес бөлшектеу және жинақтау, ИЖ-38 пневматикалық винтовкасын нысанаға атуға, арқан тарту, белтемірге тартылу. команда жетекшілері сайысы, ИЖ-38 пневматикалық винтовкасынан жылдамдыққа ату сайысы, АК-74 оқу қаруының оқжатарын патрондармен жарақтау бойынша сайысқа түсті
Жарыс қорытындысында жеңімпаз және жүлдегер командалар облыстық білім басқармасының арнайы дипломдарымен, медаль және естелік кубоктармен, үздік ойын көрсеткен ойыншылар номинацияларымен марапатталды.
