«Біраз қателіктер жібердім»: Ахметбек Нұрсила халықтан кешірім сұрады (видео)
Ахметбек Нұрсиланың қарулы жасақ ұстап әкетті. Желіде тараған оқиғаның үзіндісін көрген жұрт абдырап қалды. Бірі қысым көрді деп болжаса, бірі арзан пранк деп жатты. Бұған кәсіпкердің өз жауабы бар.
Желі қолданушылары арзан қойылымға баласа, енді бірі расымен ұстап әкетті деп болжады. Кей азаматтар оны босатуды талап ете бастады. Бая-аяғы жеті секунд болатын видеода оқиға анық көрінбейді.
Адамдардың реакциясын байқамақ болдым деген бизнес-тренер пранк жасағанын мәлімдеді. Бұл туралы Facebook парақшасында жазды.
Қойылымдар аяқталды, болды. Кешірім сұраймын.
Өмірдегі ең қиын шаруа қателігіңді мойындау ғой. «Ойға түстім, толғандым. Өз мінімді қолға алдым» деп қателіктерімді теріп шықтым:
1. Эмоцияға бой алдырып қоямын. Өзгертуге болады.
2. Саясатта тәжрибем аз, ақыл тыңдамаймын. Жанашырларымның: «Ержанмен дебатқа шықпа, оқыс қимылдар жасама» деген ақылдарын тыңдамадым. Өзгертуге болады.
3. Бизнес маркетингпен, саяси маркетингті шатастырып алыппын. Өзгертуге болады.
4. Көп сөйлейді екенмін. Өзгертуге болады.
5. Тағы қандай кемшіліктерім бар, айтсаңыздар түзеймін.
Ең бастысы - Ниет түзу. Елге қызмет етемін. Халық кешіреді, түсінеді деп сенемін. Ісіме адал, боламын, жаман жақтарымды өзгертемін деп уәде беремін.
