Қапастан шыққан құстаймыз
Ия, төтенше жағдай көп нәрсені үйретті. Үйде отырып, сабыр болуға шақырды. Сонда да сыр беріп қойып жүрдік. Әсіресе, блок-бекеттен өткенде көңілде кірбің ұялап, күдік тұратын. «Осы менен ауру шығып қалмай ма?» деп тұратын ішкі пайым.
Ұзын сонар көлік кезегін де көрдік. Бұған түсіністікпен қарауға мүмкіндігі жоқтар да табылды. Не керек, екі ай бойы елмен араласуды алшақ ұстадық. Оған да бой үйреніп қалды. Бірақ арақатынас алыстатқан емеспіз, ағайынмен аралас, құдаменен құрамдас болып, ежелгі дәстүрді қайта жаңғыртқан секілдіміз. Ең бастысы, 1 маусымнан бастап блок бекет түгел алынды. Құдды қапастан шыққан құсқа ұқсадық. Өзімізді енді еркін сезіне бастадық. Көзге жаттыққан көріністен арылып жатырмыз. Бұл жерде әскери мен полицияның, медицина қызметкерлеріне де алғысымыз шексіз. Табжылмай, қиындыққа мойымай тізесінен тік тұрды. Халық денсаулығын сақтаудағы сол азаматтардың аянбаған еңбегі қайтып жатыр...
Қ.Құрбан
